မြို့မတူရိယာအသင်းကြီးနဲ့ မြို့မချစ်သူမြို့မမိတ်ဆွေများရဲ့ အလှူဒါနများ

12-12-2011နေ့မှာ မန္တလေး မြို့မတူရိယာအသင်းကြီး နဲ့ မြို့ကိုချစ်တဲ့ မြို့မမိတ်ဆွေများက မကွေးတိုင်း ပခုက္ကူခရိုင် ဆိပ်ဖြူမြို့နယ် ယောချောင်း
တစ်လျောက်မှ ရေဘေးသင့်ရွာများမှာ အလွန်အလိုအပ်ဆုံးဖြစ်တဲ့ အဝီစိတွင်းများကို သွားရောက်
လှူဒါန်းပါတယ် ။ အဝီစိတွင်းများ တူးဖော်ဖို့ရာမှာ ချောက်မြို့မနောဖြူလူမှုရေးအသင်းမှ
ဒေါ်ဝင်းဝင်းသန်း ၊ ဦးမင်းနိုင် ၊ ဒေါ်စန်းမြင့် ၊ ဒေါ်ခင်ဌေးလွင်တို့က အများဆုံးအညီပေးကြပါတယ် ။

ယနေ့ထိ ရေချိုထွက်၍လုံးဝပြီးစီးသွားတာ ၄တွင်းဖြစ်ပြီး ကျန်တွင်းများလည်း ရက်ပိုင်းအတွင်းပြီးစီး
တော့မှာ ဖြစ်ပါတယ် ။ မြို့မအသင်းကြီးမှ ရေဘေးသင့်ရွာ ၇ရွာအတွက် အဝီစိတွင်းပေါင်း ၁၀တွင်း
စတင်တူးဖေါ်လှူဒါန်းခြင်းဖြစ်ပြီး ၊ တစ်ရွာနှင့်တစ်ရွာ မြေအနေအထား ရေအနေအထားများကြောင့်
တွင်းအတိမ်အနက်မတူညီနိုင်ပါ ။ သို့ပါသောကြောင့် ကုန်ကျစရိတ်လည်းမတူညီသဖြင့် ၊ ပဏာမ
တူးဖေါ်တဲ့ ၁၀တွင်းပြီးစီးပါက ကျန်ရှိနေသေးသောအလှူခံရရှိငွေများကိုလည်း နောက်ထပ်အဝီစိ
တွင်းများထပ်မံတူးဖေါ်လှူဒါန်းသွားမှာဖြစ်ပါတယ် ။

နောက်ထပ်လှူဒါန်းမယ့်အလှူရှင်များရှိပါက မြို့မတူရိယာအသင်းသို့ ဆက်သွယ်လှူဒါန်းနိုင်ပါတယ် ။

ယခုတူးဖေါ်နေတဲ့ ရွာ၇ရွာမှာ (၁)တူရွင်းမျောရွာအတွက် အဝီစိတွင်း ၁တွင်း ၊ (၂)မယ်ဇလီကွေ့ရွာအတွက် အဝီစိတွင်း ၁တွင်း ၊
(၃)ဒေါသာရွာအတွက် အဝီစိတွင်း ၁တွင်း ၊ (၄)ကံတွင်းရွာအတွက် အဝီစိတွင်း ၂တွင်း ၊
(၅)ဆင်လမ်းချောင်းရွာအတွက် အဝီစိတွင်း ၃တွင်း ၊ (၆)ချောင်းမကြီးရွာအတွက် အဝီစိတွင်း ၁တွင်း (၇)စိုက်ခန်းရွာအတွက် အဝီစိတွင်း ၁တွင်း တူးဖေါ်လှူဒါန်းခြင်းဖြစ်ပါတယ် ။ ရွာများသို့ အဝီစိတွင်း
များအပြင် ဆန်အိတ်များ မုန့်ဂျပ်ပုံးများ အဝတ်အထည်အမျိုးမျိုး အသစ်အဟောင်းအမျိုးစုံ အထည်
၅ထောင်ကျော် သင်္ကန်းများ စောင်များ ဗလာစာအုပ်များလည်း ပါဝင်လှူဒါန်းပါတယ် ။ မနောဖြူအဖွဲ့
မှ ဒေါ်ခင်ဌေးလွင်ကလည်း စောင်များပါဝင်လှူဒါန်းပါတယ် ။ လှူဒါန်းခဲ့တဲ့ ပစ္စည်းများအားလုံး
အတွက် သာဓုခေါ်ဆိုနိုင်ရန် တင်ပြလိုက်ရပါတယ် ။

နောက်ထပ်အစီအစဉ်တစ်ခုကတော့ မြို့မတူရိယာအသင်းကြီးနဲ့ မြို့မမိတ်ဆွေမျာက မကွေးတိုင်း ပခုက္ကူခရိုင် ဆိပ်ဖြူမြို့နယ် ဘဲကျကျေးရွာမှာ အ၀ီစိတွင်း ၂တွင်း ယနေ့ထပ်မံလှူဒါန်းလိုက်ပါပြီ ။

မြို့မရဲ့တယောဆရာကြီး ဦးတင်ဝင်း ကွယ်လွန်

မန္တလေး မြို့မအပျော်တမ်းတူရိယာအသင်းကြီးရဲ့ တယောဆရာကြီးဖြစ်တဲ့ မန္တလေးမြို့သစ် ဆ-၇/၁၁ နေ တယောဆရာကြီး ဦးတင်ဝင်း (အသက် ၆၅နှစ်)သည် ၂၉-၁၁-၂၀၁၁ အင်္ဂါနေ့ ညနေ ၅:၂၀အချိန်တွင် ၉၆ပါးသောရောဂါဖြင့် ကွယ်လွန်အနိစ္စ ရောက်ရှိသွားပါတယ် ။ ကွယ်လွန်ချိန်တွင် ဇနီးသည် ဒေါ်လယ် နဲ့ သား၂ယောက် သမီး၁ယောက် ကျန်ရစ်ပါတယ် ။ မနက်ဖြန် နေ့လည် ၁:၀၀ နာရီအချိန် တောင်မြင့်သုဿာန်သို့ ပို့ဆောင်သင်္ဂြိုလ်မှာ ဖြစ်ပါတယ် ။ မြို့မတူရိယာအသင်းကြီးမှ သူ့မိသားစုများနဲ့ထပ်တူထပ်မျှ ကြေကွဲဝမ်းနည်းမိပါကြောင်း ။ ဆရာဦးတင်ဝင်း ကောင်းရာသုဂတိသို့ လားပါစေ လို့ ဆုတောင်းမေတ္တာ ပို့သကြပါကြောင်း ။

ပခုက္ကူရေဘေးအတွက် မြို့မတူရိယာအသင်းကြီး အလှူခံထွက်

မကွေးတိုင်း ပခုက္ကူမြို့နယ် ဆိပ်ဖြူမြို့နယ်များတွင် ကြုံတွေ့ခဲ့ကြတဲ့ ရေဘေးသင့်ပြည်သူများအား ထောက်ပံ့ကူညီပေးနိုင်ရန်အတွက် မြို့မတူရိယာအသင်းကြီးက 9-11-2011နေ့မှ 13-11-2011နေ့ထိ ၅ရက်တိုင်တိုင် ငွေငန်းအလှပြယာဉ်ကြီးဖြင့် မြို့လုံးအနှံ့ အလှူခံ
ထွက်ခဲ့ကြပါတယ် ။ စေတနာရှင်ပြည်သူများက မိမိတို့စေတနာ
အလျောက် လှူဒါန်းခဲ့ကြရာမှာ အလှူတော်ငွေ 15,328,650ကျပ်
(ကျပ်သိန်းတစ်ရာ့ငါးဆယ်ကျော်) ၊ အဝတ်အထည်အသစ်များ ပီနန်အိတ် ၁၀လုံးကျော် ၊ အဝတ်အထည်အဟောင်းများ အထည်၎ထောင်ကျော် ၊ ဆန်အိတ်များ ၊ စားသောက်ကုန်များ ၊ အလှူခံရရှိ
ခဲ့ပါတယ် ။ မန္တလေး ပုလဲငွေရောင်ရပ် ၂၁လမ်းx၈၆လမ်းထောင့်ရှိ
မြို့မတူရိယာအသင်းတိုက်တွင်လည်း အလှူခံဌာနဖွင့်လှစ်ထားရှိ
သဖြင့် စေတနာရှင်များ လာရောက်လှူဒါန်းနိုင်ကြပါတယ် ။
ငွေငန်းအလှပြယာဉ်ကြီးမှလည်း အလှူခံအတွက်အထူးစပ်ဆိုထားတဲ့
တေးသီချင်းအသစ်များဖြင့် လှည့်လည်သီဆိုတီးမှုတ်ဧည့်ခံပေးခဲ့ကြ
ပါတယ် ။

လာမယ့်နှစ် ပွဲရာသီအတွက် လမိုင်းတင်ပွဲ နဲ့ ဆုပေးပွဲပြုလုပ်

8-10-2011နေ့က မြို့မအသင်းတိုက်မှာ လာမယ့်ပွဲရာသီအတွက် လမိုင်းတင်ပွဲပြုလုပ်ပါတယ် ။ တေးသီချင်းအသစ်များလည်း ရေးစပ်သီကုံး သီဆိုတီမှုတ်နိုင်ရန် သီချင်းသစ်များတိုက်ကြပါတယ် ။

ရှေ့နှစ်အတွက် စည်းကမ်းရှိရှိနဲ့ လုပ်ဆောင်ကြဖို့ အမှုဆောင်လူကြီးများက အသင်းသူအသင်းသားများအား
ရှင်းလင်းတင်ပြပါတယ် ။ ကြိုးစားလုပ်ဆောင်ကြဖို့နဲ့ ယခုနှစ်မှာ ဆုပေးတဲ့စနစ်ကိုကျင့်သုံးထားကြောင်း ၊ ရှေ့နှစ်တွင်လည်း ကြိုးစားကြဖို့ မှာကြားပါတယ် ။

အဲဒီနောက်မှာတော့ ပွဲတီး တစ်ပွဲမှမပျက်တဲ့ စန္ဒရားဆရာ ကိုအောင်လွင်ဦးကို ဆုငွေကျပ်
တစ်သိန်း ၊ တစ်ပွဲပျက် နှစ်ဦးဖြစ်တဲ့ လေမှုတ်ဆရာ ကိုစိန်မြင့် နဲ့
တယောဆရာကိုဇင်မင်းထွန်း တို့ကို ဆုငွေကျပ်၅သောင်းစီ ၊ နှစ်ပွဲပျက်တဲ့ လေမှုတ်ဆရာ ကိုသန်းအောင်နဲ့စက်ဆရာကိုဒေဝတို့ကို
ဆုငွေကျပ်၃သောင်းစီ အသီးသီးဆုချီးမြှင့်ပေးလိုက်ပါတယ် ။ ဆိုကရေးတီး ဗဟိုအဆင့်ယှဉ်ပြိုင်ဆုရရှိခဲ့တဲ့ တေးသံရှင် ဇော်မျိုးသက် နဲ့ အေးစိုးထိုက်တို့ ၂ဦးကိုလည်း ကျပ်၅သောင်းစီ
ချီးမြှင့်ခဲ့ပြီး အသင်းသားအသင်းသူများကို နေ့လည်စာဖြင့် တည်ခင်း
ကျွေးမွေးကြပါတယ် ။

မြို့မတူရိယာအသင်း အတီးပညာရှင်တစ်ဦးကွယ်လွန်ခြင်း

မန္တလေးမြို့ မြို့မအပျော်တမ်းတူရိယာအသင်းကြီး၏ အုပ်စုတီး နှင့် Drumer အတီးပညာရှင်တစ်ဦးဖြစ်သူ ဦးခင်မောင်အေး အသက်(၅၈)နှစ်သည် ၁၃၇၃ခုနှစ် နယုန်လပြည့်ကျော် ၁၂ရက် ၊ 28-6-2011အင်္ဂါနေ့ နေ့လည်၂နာရီအချိန်တွင် မန္တလေးမြို့ မဟာမြိုင်အပိုင်း(၁)ရပ်ကွက် နေအိမ်တွင် ကျောက်ကပ်ကင်ဆာရောဂါဖြင့်ကွယ်လွန်အနိစ္စ
ရောက်သွားပါ၍ 29-6-2011တနင်္ဂနွေနေ့ နံနက် ၁ဝနာရီ အချိန်တွင် တောင်မြင့်သုဿာန်သို့ ပို့ဆောင်မီးသင်္ဂြိုဟ်ပြီးစီးခဲ့ပါသည် ။ ဦးခင်မောင်အေး ကွယ်လွန်ခြင်းအတွက် မြို့မအပျော်တမ်းတူရိယာ
အသင်းကြီးမှ ကျန်ရစ်သူမိသားစုနဲ့ထပ်တူထပ်မျှ နှမြောတသ ဝမ်းနည်းကြေကွဲရပါကြောင်း ။

2011သင်္ကြန်ရက်များအတွင်း ငွေငန်းမြို့မယာဉ် လှည့်လည်ဖျော်ဖြေ

မြန်မာသက္ကရာဇ် ၁၃၇၂-ခု မှ ၁၃၇၃-ခု သို့ ကူးပြောင်းသည့် မဟာအတာသင်္ကြန်အခါသမယတွင် 13-4-2011သင်္ကြန်အကြိုနေ့ နံနက် ၈နာရီမှစ၍ 17-4-2011မြန်မာနှစ်ဆန်း ၁ရက်နေ့ နံနက် ၈နာရီခွဲအချိန်ထိ ငွေငန်းမြို့မ အလှပြယာဉ်ကြီးသည် မန္တလေးမြို့တွင် ဖိတ်ကြားထားသည့် အိမ်တော် တိုက်တော်မင်္ဂလာများ ရှေ့မှောက် လှည့်လည်သွားရောက် ဖျော်ဖြေခဲ့ကြပါသည် ။ အကြိုနေ့ နံနက်ပိုင်းတွင် နှစ်စဉ်အစဉ်အလာမပျက် ပြုလုပ်မြဲအစီအစဉ်
တစ်ခုဖြစ်သော မဟာမြတ်မုနိ ဘုရားကြီး၏အရှေ့မုဒ်တွင် ငွေငန်းကားကြီးနှင့် အသင်းသူအသင်းသားများမှ ဦးသုံးကြိမ်တိုက် ဘုရားကန်တော့ပူဇော်ကြရာ မြို့မအပျော်တမ်းတူရိယာအသင်းကြီးမှ ရောင်ခြည်တော်ဖွင့် တီးလုံးဖြင့်တီးမှုတ်ပူဇော် ဘုရားကန်တော့ကြ
ပါသည် ။ ၎င်းနေ့ညနေပိုင်း ၅နာရီခွဲအချိန် မန္တလေးမြို့ စည်ပင်သာယာရေးကော်မီတီ၏ မြို့တော်ဝန်မဏ္ဍပ် 2011အတာသင်္ကြန်ဖွင့်ပွဲအခမ်အနားတွင် ငွေငန်းမြို့မအလှပြဖျော်ဖြေရေး
ယာဉ်ကြီးပေါ်မှ မြို့မတေးသံရှင် လွင်ဦးက မြူမှောင်ဝေကင်းသီချင်း
သီဆိုတီးမှုတ်ချီးမြှင့် ပေးခဲ့ပါသည် ။ ဆက်လက်၍ ညပိုင်းတွင် ဖိတ်ကြားထားသောအိမ်များသို့ သွားရောက်သီဆိုဖျော်ဖြေတီးမှုတ်
ကြပါသည် ။ အတာသင်္ကြန်အကြိုနေ့ ၊ အကြတ်နေ့ ၊ အတက်နေ့ ညများနှင့် မြန်မာနှစ်ဆန်းတစ်ရက်နေ့ နံနက်ခင်းထိတိုင် သီဆို
တီးမှုတ်ဖျော်ဖြေခဲ့ကြပါသည် ။

13-4-2011 မဟာသင်္ကြန် အကြို့နေ့တွင် ငွေငန်းမြို့မ အလှပြဖျော်ဖြေရေးယာဉ်ကြီးသည် မန္တလေး မဟာမြတ်မုနိ အရှေ့မုဒ်ဦးမှနေ၍ ဦးခိုက်ပူဇော်နေပုံ ဖြစ်ပါသည် ။

 

မြို့မတူရိယာအသင်းကြီး၏ နာယကပူဇော်ပွဲကျင်းပ

12-4-2011နေ့တွင် မန္တလေးမြို့မအပျော်တမ်းတူရိယာအသင်းကြီး၏ နာယကပူဇော်ပွဲကို ကျင်းပရာ နာယကကြီးများဖြစ်ကြသော မြို့မဦးပေါ ၊ ဦးစိန်ထွန်း - မြင်းမူမြို့မ ၊ ဦးကျော်ညွန့် ၊ ဦးဝင်း နှင့် အသင်းသူအသင်းသားများ စုံညီစွာတက်ရောက်ကြပါသည် ။ အသင်းသူအသင်းသားများမှ နာယကကြီးများအားပူဇော်ကန်တော့ကြပြီး မြို့မအသင်းကြီးနှင့် မီကိုကော်ဖီမစ် မှ လက်ဆောင်ပစ္စည်းများ ပေးအပ်ကြပါသည် ။
ီ

ငွေငန်းမြို့မ အလှပြဖျော်ဖြေရေးယာဉ်ကြီး စတင်ပြင်ဆင်နေပြီ

မြန်မာသက္ကရာဇ် ၁၃၇၂ခုနှစ်မှ ၁၃၇၃ခုနှစ်သို့ ကူပြောင်းမည့် နှစ်သစ်ကူးအခါသမယ မဟာသင်္ကြန်ကာလရက်များအတွင်း မန္တလေးမြို့တွင်းမှ ဖိတ်ကြားထားကြသော အိမ်တော်မင်္ဂလာအသီးသီးတွင် သွားရောက် ဖျော်ဖြေမည့် မန္တလေး ငွေငန်းမြို့မ အလှပြဖျော်ဖြေရေးယာဉ်ကြီးကို ယခုအခါ စတင်၍ ပြင်ဆင်နေပြီဖြစ်ရာ မန္တလေး မြို့မတူရိယာအသင်းတိုက်ရှေ့တွင် တွေ့မြင်နေရပုံဖြစ်ပါသည် ။ လက်သမားဆရာ ဦးခင်မောင်သန်းနှင့်အဖွဲ့ ၊ ပန်းချီဆရာ ဦးတင်အောင်နှင့်အဖွဲ့ ၊ လျှပ်စစ်မီးဆိုင်ရာ ဦးထွန်းထွန်းနှင့်အဖွဲ့ ၊ ကားအလှအပပိုင်းဆိုင်ရာအတွက် မာမီကင်းနှင့်အဖွဲ့က အသီးသီးတာဝန်ယူ လုပ်ဆောင်ပေးကြပါသည် ။

မြို့မအပျော်တမ်းတူရိယာအသင်း သင်္ကြန်သီချင်းများတိုက်

25-3-2011နေ့တွင် မြို့မအပျော်တမ်းတူရိယာအသင်းတိုက်၌ လာမည့်မဟာသင်္ကြန်ပွဲတော်တွင် ငွေငန်းအလှပြယာဉ်ကြီးဖြင့် လှည့်လည်ဖျော်ဖြေရာတွင် တီးမှုတ်သီဆိုနိုင်ရန်အတွက် သင်္ကြန်တေးသီချင်းများကို ဂီတမှူးဦးရဲထွေးမှဦးဆောင်၍ သီချင်းတိုက် လေ့ကျင့်လျက်ရှိနေကြပါသည် ။ နှစ်စဉ် သီဆိုတီးမှုတ်နေကျ တေးသီချင်းများနှင့်အတူ ထပ်မံ၍တေးသီချင်းသစ်များကိုပါ ထည့်သွင်းသီဆိုနိုင်ရန် လေကျင့်နေကြခြင်းဖြစ်ပါသည် ။ ရှေးက တေးရေးဆရာကြီးများဖြစ်ကြသော မြို့မငြိမ်း ၊ ဦးဘသိန်း ၊ ဦးဘိုခင် ၊ မြို့မဦးပေါ တို့၏တေးသီချင်းများ ၁၀ပုဒ် ကို သီဆိုတီးမှုတ်လေ့ကျင့်နေကြသည့်အပြင် မြို့မ၏တေးရေးဆရာများဖြစ်ကြသော ဦးရွှန်းမြိုင် ၊ ဦးရဲထွေး ၊ သန်းမောင်ဝင်း ၊ လွင်ဦး ၊ မောင်မောင်စိန် ၊ ဝင်းဖေ ၊ မြမြမိုးတို့၏ တေးသီချင်းအသစ်များကိုပါ သီဆိုတီးမှုတ် သီချင်းတိုက်လေ့ကျင့်နေကြသည်ကို ပုံတွင်တွေ့မြင်ရမည် ဖြစ်ပါသည် ။

မြို့မတူရိယာအသင်း သင်္ကြန်ဖျော်ဖြေရေး စတင်ပြင်ဆင်

17-3-2011နေ့ နေ့လည် ၁:ဝဝနာရီအချိန် မန္တလေးမြို့ အောင်မြေသာစံမြို့နယ် ပုလဲငွေရောင်ရပ် ၂၁လမ်းနှင့် ၈၆လမ်းထောင့် မြို့မအပျော်တမ်းတူရိယာအသင်းတိုက်၌ လာမည့် မြန်မာနှစ်သစ်ကူး သင်္ကြန်အခါတော်သမယတွင် မြို့မငွေငန်းအလှပြယာဉ်ဖြင့် ဖျော်ဖြေရေးအတွက် အလုပ်အမှုဆောင်အဖွဲ့ဝင်များ အသင်းသားအသင်းသူများ သီဆိုတီးမှုတ်သူများ၏ ညှိနှိုင်းဆွေးနွေးအစည်းအဝေးကို ကျင်းပပါသည် ။ ၎င်းအစည်းအဝေးတွင် အသင်းကြီးမှ မြန်မာယဉ်ကျေးမှုနှင့်အညီ စည်းကမ်းရှိစွာဖျော်ဖြေနိုင်ရေး ၊ ဖိတ်ကြားထားသောမြို့မမိတ်ဆွေများ၏ နေရာဌာနအသီးသီးသို့သွားရောက်ဖျော်ဖြေသည့်အခါ အဆင်ပြေပြေစိတ်ချမ်းမြေ့မှုရရှိကြစေရန် လမ်းကြောင်းများရေးဆွဲခြင်း ၊ တူညီဝတ်စုံများအတွက် သတ်မှတ်ရွေးချယ်ရေး ၊ အလှပြငွေငန်းယာဉ်ကြီး၏ပုံစံဒီဇိုင်း လှပစွာရေးဆွဲနိုင်ရေး ၊ ယိမ်းသမများပါဝင်ကပြမည့် အကကားသီးသန့် ထည့်သွင်းရေး ၊ တီးဝိုင်းအတွက် အသံပိုင်းဆိုင်ရာအကောင်းဆုံးဖြစ်ရန် စက်မှုပစ္စည်းသစ်များ ထပ်မံဖြည့်တင်းရေး ၊ သီချင်းဟောင်များအပြင် သီချင်းအသစ်များကိုလည်း သီဆိုနိုင်ရေး ၊ သီဆိုတီးမှုတ်သူများမှလည်း အကောင်းဆုံးဖြစ်အောင် ကြိုးစားကြမည်ဖြစ်ကြောင်း စသည့်အကြောင်းအရာများကို ညှိနှိုင်းဆွေးနွေးကြပါသည် ။

မြို့မငြိမ်း ကြေးရုပ်တု ကြေးသွန်းလောင်းပြီးစီး

ယခုအခါ အလင်္ကာကျော်စွာ ဆရာမြို့မငြိမ်း နှစ်(၁ဝဝ)ပြည့်အထိမ်းအမှတ်အဖြစ် ကြေးရုပ်တု ကြေးသွန်းခြင်းလုပ်ငန်းမှာ ပြီးစီးသွားပြီဖြစ်ပါသဖြင့် မကြာမီ မန္တလေးမြို့ အောင်မြေသာစံမြို့နယ် ပုလဲငွေရောင်ရပ် ၊ ၂၁လမ်း နှင့် ၈၆လမ်းထောင့်ရှိ မြို့မအပျော်တမ်းတူရိယာအသင်းတိုက်တွင် ပြောင်းရွှေ့ထားရှိမည်ဖြစ်ပါတယ် ။ ၎င်းကြေးရုပ်ကြီးကို မန္တလေးမြို့ တမ္ပဝတီရပ် ပြည့်ဝကြေးသွန်းလုပ်ငန်း ကြေးသွန်းဆရာ ဦးလှမြင့်တို့အဖွဲ့မှ သွန်းလောင်းခဲ့ခြင်းဖြစ်ပါတယ် ။ ကြေးပိဿာချိန် ၂ဝဝခန့် အသုံးပြု၍ သွန်းလောင်းခြင်းဖြစ်ကြောင်း သိရှိရပါတယ် ။

မြို့မတူရိယာအသင်း လမိုင်းတင်ပွဲ

19-10-2010 အင်္ဂါနေ့ နံနက်၉နာရီခွဲအချိန် မန္တလေးမြို့ အောင်မြေသာစံမြို့နယ် ပုလဲငွေရောင်ရပ် ၂၁လမ်း နှင့် ၈၆လမ်းထောင့်ရှိ မန္တလေးမြို့မအပျော်တမ်း
တူရိယာအသင်းတိုက်တွင် 2010 / 2011ခုနှစ် ပွဲရာသီဖျော်ဖြေပွဲများကို စတင်ဖျော်ဖြေတီးမှုတ်တော့မည်ဖြစ်၍ နှစ်စဉ်ပြုလုပ်နေကျ ထုံးတမ်းစဉ်လာအတိုင်း သာသနာပွဲထိုးခြင်း လမိုင်းတင်ခြင်းအခမ်းအနား ကျင်းပပြုလုပ်ရာ အသင်းမှတာဝန်ရှိလူကြီးများ ၊ အသင်းသားအသင်းသူများ ၊ သီဆိုသူများ ၊ တီးမှုတ်သူများ စုံညီစွာတက်ရောက်ကြပါတယ် ။ လမိုင်းတင်ခြင်းအခမ်းအနားတွင် စားသောက်ဖွယ်ရာများဖြင့် ကျွေးမွေးဧည့်ခံပြီး ရှေ့နှစ်တွင် သီဆိုတီးမှုတ်ကြမယ့် တေးသီချင်းအသစ်များကို ပျော်ရွှင်စွာ တီးမှုတ်သီဆိုကြ၍ အခမ်းနားကို ရုတ်သိမ်းလိုက်ပါတယ် ။

မြို့မတူရိယာအသင်းသားများ ဒုတိယအကြိမ်မြောက် ဒုလ္လဘရဟန်းခံပွဲ ကျင်းပခြင်း

11-8-2010နေ့တွင် မန္တလေးမြို့ 62လမ်း 32x33ကြား တောင်စလင်းတိုက်ဘာဝနာဌာနတွင် ကျင်းပသော ဒုတိယအကြိမ် မြို့မအပျော်တမ်းတူရိယာအသင်းသားများ၏ ဒုလ္လဘရဟန်းခံပွဲကို
ကျင်းပရာ ၊ အသင်းသား အယောက်30 ပါဝင်ရဟန်းပြုကြပါသည် ။ သိမ်ဆင်းပြီးသည်နှင့် မေမြို့ အနီးစခန်း ဓါတ်တော်ချိုင့်ရေတံခွန်အနီးရှိ တောင်စလင်းတိုက်ခွဲသို့ ပြောင်းရွှေ့သီတင်းသုံး၍
တရားဘာဝနာများပွားများကြပါသည် ။ ပထမအကြိမ် ဒုလ္လဘရဟန်းခံပွဲကို (လွန်ခဲ့တဲ့အနှစ် ၂၀) 8-7-1990နေ့တုန်းက ပုပ္ပါးတောင်မှာ မြို့မအပျော်တမ်းတူရိယာအသင်းသား 27ယောက် ဒုလ္လဘရဟန်းပြုခဲ့ကြပါသည် ။

မြို့မတူရိယာအသင်း ဝါဆိုသင်္ကန်းကပ်လှူပွဲ ကျင်းပခြင်း

27-8-2010နေ့က မန္တလေး မြို့မအပျော်တမ်းတူရိယာအသင်းတိုက်တွင် ဝါဆိုသင်္ကန်းကပ်လှူပွဲကျင်းပသည် ။ ပင့်သံဃာ ၅ပါးတို့ ဝါဆိုသင်္ကန်းများကို အသင်းသားအသင်းသူများက ကပ်လှူပြီး နေ့ဆွမ်းဆက်ကပ်လှူဒါန်းပါသည် ။အခမ်အနားသို့ ကြွရောက်လာ
သော ဦးတင်ထွန်း + ဒေါ်နွဲ့နွဲ့ရီမြကေသီ အင်ဂျင်ဝိုင်ရောင်းဝယ်ရေး
မိသားစု မှ ဂီတသင်္ကေတနှင့်ပတ်သက်သော ပညာရေးအထောက်
အကူပြု ရှေးတုန်းကဂီတစာအုပ် 23အုပ်နှင့် မြို့မငြိမ်းကြေးရုပ်
ဖြစ်မြောက်ရေးအတွက် အလှူငွေ ကျပ်ငါးသောင်းကို ပေးအပ်လှူဒါန်းသွားသည် ။ ၎င်းနောက် မြို့မငြိမ်းကြေးရုပ်
ဖြစ်မြောက်ရေးအတွက် အလှူငွေ ကျပ်တစ်သိန်းကို တေးရေးဆရာ
မောင်သစ်မင်း မှ မြန်မာသီချင်းရေးဆရာများကလပ် ကုမ္ပဏီလီမိတက်ကိုယ်စား ပေးအပ်လှူဒါန်းသွားပါသည် ။ အသင်းသားအသင်းသူများ စုံညီစွာတက်ရောက်၍ ကြွရောက်လာသော ဧည့်ပရိသတ်များကို နေ့လည်စာဖြင့် ဧည့်ခံတည်ခင်းကျွေးမွေးပါသည် ။

မြို့မငြိမ်းကြေးရုပ်တု ပြီးစီးသည့်အခြေအနေ

အလင်္ကာကျော်စွာ မြို့မငြိမ်း နှစ်(၁ဝဝ)ပြည့်အထိမ်းအမှတ် ကြေးရုပ်ကို မန္တလေး တမ္ပဝတီ ကြေးသွန်းရပ်က ပြည့်ဝကြေးသွန်းလုပ်ငန်း မှ ဦးလှမြင့်နှင့် သား ကိုအောင်အောင်မိုး တို့က ပြုလုပ်နေကြရာ ၊ ယခုအခါ ဖယောင်းပုံကြမ်းအဆင့်ထိ ပြီးစီးနေသည်ကို 5-7-2010နေ့က တွေ့ရပုံ ။

မြို့မအတွက် စန္ဒရားတစ်လုံး လှူဒါန်းခြင်း

4-7-2010နေ့က မန္တလေး မြို့မအပျော်တမ်းတူရိယာအသင်းတွင် အသုံးပြုရန် ၊ အမေရိကန်နိုင်ငံလုပ် CALLARDအမျိုးအစား စန္ဒရား တစ်လုံးကို ၊ မန္တလေး အောင်မြေသာစံမြို့နယ် ၈၉လမ်း ယုဇနလမ်းသွယ်-၂ ၊ တိုက်-၄ အခန်း-၃နေ ဦးသိန်းလှိုင်မိသားစု မှ လာရောက်လှူဒါန်းသွားပါကြောင်း ။

မြို့မမျိုးဆက်သစ် လေမှုတ်တူရိယာ နှင့် ဂီတသင်တန်း ဖွင့်လှစ်

2010 ခုနှစ် မြို့မမျိုးဆက်သစ် လေမှုတ်တူရိယာ နှင့် ဂီတသင်တန်းကို မန္တလေးမြို့ အောင်မြေသာစံမြို့နယ် ပုလဲငွေရောင်ရပ် ၈၆လမ်းx၂၁လမ်းထောင့်ရှိ မြို့မအပျော်တမ်းတူရိယာအသင်းတိုက်တွင် ဇွန်လ လဆန်းမှစ၍ ဖွင့်လှစ်သင်ကြားပေးလျက်ရှိပါတယ် ။ သင်တန်းတွင် မြို့မတီးဝိုင်းရဲ့ ဂီတမှူးဖြစ်သူ ဦးရဲထွေးမှ ဦးဆောင်သင်ကြားပေးလျက်ရှိရာ သင်တန်းသားများမှ စိတ်ပါဝင်စားစွာဖြင့် နေ့စဉ်လာရောက် သင်ကြားနေကြပါတယ် ။ လေမှုတ်တူရိယာအပြင် တယော စန္ဒရားပညာများကိုလည်း မြို့မ တူရိယာအသင်းရဲ့ မျိုးဆက်သစ်များပေါ်ပေါက်လာရန် ရည်ရွယ်၍ သင်ကြားပေးနေခြင်းဖြစ်ကြောင်း သိရပါတယ် ။ တူရိယာများကို သင်ကြားရာတွင် အခြေခံကျကျဖြင့် International Notes များဖြင့် စနစ်တကျသင်ကြားပေးနေကြောင်း သိရှိရပါတယ် ။ ယခုအခါ လူဟောင်းများကို ပြန်လည်၍ မွန်းမံသင်ကြားပေးနေခြင်းဖြစ်ပြီး လူသစ်တန်းကိုလည်း လက်ခံသင်ကြားပေးမည်ဖြစ်၍ ၀ါသနာပါသဖြင့် အမှန်တကယ် သင်ကြားလိုသူများသည် သင်တန်းသို့ လာရောက်စုံစမ်းနိုင်ကြောင်း သင်တန်းဆရာများက ပြောကြားပါတယ် ။

မြို့မ မိုးခေါ်လွန်ဆွဲပွဲ ကျင်းပခြင်း

မန္တလေးမြို့တွင် မဟာသင်္ကြန်အပြီးကာလများတွင် မိုးလုံးဝမရွာပဲ အပူရှိန်များ လွန်ကဲစွာ ပူပြင်းသဖြင့် မြို့နေလူထုမှာ အပူဒဏ်ကို ဆိုးဝါးစွာ ခံစားနေကြရပါတယ် ။ အသေပျောက်များစွာရှိလာသည်အထိ အပူဒဏ်ကို အများပြည်သူများကြုံတွေ့ခံစားနေကြရသဖြင့် မြို့ပေါ်နေရာအတော်များများ
မှာ မိုးခေါ်လွန်ဆွဲပွဲများ ကျင်းပလာကြတာကိုတွေ့ရပါတယ် ။ 22-5-2010နေ့မှ 24-5-2010နေ့ထိ ၃ရက်တိုင်တိုင် မြို့မအပျော်တမ်း
တူရိယာအသင်းကြီးမှ ကြီးမှူး၍ ပုလဲငွေရောင်ရပ်ကွက်သူ ရပ်ကွက်သားများနှင့် ပူးပေါင်းကာ ငါးရံ့မင်းပရိတ်ရွတ်ပွဲ နှင့် မိုးခေါ်လွန်ဆွဲပွဲကြီးကို ကျင်းပခဲ့ပါတယ် ။ ပွဲစသည့် ပထမနေ့ ညပိုင်းမှာပင် မိုးများစတင်ရွာသွန်းခဲ့ပါတယ် ။ ဒုတိယနေ့ 23-5-2010တွင် လွန်ဆွဲပွဲကို မိုးများရွာနေစဉ်မှာပင် စည်ကားစွာ ကျင်း
ပခဲ့ပါတယ် ။ ၃ရက်တိုင်တိုင် ကျင်းပတဲ့ လွန်ဆွဲပွဲကို အမျိုးသားများဖက်မှ တစ်ရက်နိုင်၍ ၊ အမျိုးသမီးများဖက်မှ နှစ်ရက် အနိုင်ရရှိခဲ့ပါတယ် ။ မြိုမ အပျော်တမ်းတူရိယာအသင်းကြီးမှ တေးသီချင်းများ မြူးကြွစွာဖြင့်သီဆိုအားပေးကြသလို လူရွှင်တော်
ဝင်းအောင်နဲ့အဖွဲ့က သံချပ်များတိုင်၍လည်းကောင်း ရယ်ရွှင်စရာဟာသများဖြင့်လည်းကောင်း အားပေးကြပါတယ် ။ မြို့မ အသင်းကြီးမှ အဆိုတော်များကိုယ်တိုင် လွန်ပွဲကို ၀င်ရောက်ဆွဲကြတာကို တွေ့ရပါတယ် ။ အသင်းမှ အအေးစတုဒီသာများ
ဖြင့်လည်း တိုက်ကျွေးဧည့်ခံတာကို တွေ့ရပါတယ် ။ ၃ရက်တိုင်တိုင် မိုး
ခေါ်လွန်ဆွဲပွဲကြီးမှာ မိုးများဖြိုင်ဖြိုင်ရွာသွန်းခြင်းဖြင့် အောင်မြင်စွာကျင်းပနိုင်ခဲ့ပါတယ် ။ အပူရှိန်များသိသိသာသာ ကျဆင်း
သွားသဖြင့် မြို့သူမြို့သားများလည်း ၀မ်းပမ်းတသာ ရှိနေကြပါကြောင်း ။

Facebook မှာ မြို့မရဲ့ Fan တင်လိုက်ပြီ

Internet social network တစ်ခုဖြစ်တဲ့ လူသိအများဆုံး Facebook မှာ " " မြို့မအပျော်တမ်းတူရိယာအသင်း(မန္တလေး) " ဆိုတဲ့ ခေါင်းစဉ်နဲ့ fan clubတစ်ခုအဖြစ် 6-4-2010အင်္ဂါနေ့မှစ၍တင်ထားပြီးဖြစ်ကြောင်း သတင်းကောင်းပါးလိုက်ပါတယ် ။ ၎င်းကို စိတ်ဝင်စားသူ မည်သူမဆို ၀င်ရောက်ကြည့်ရှုနိုင်သည့်အပြင် become a fan ရယူကြပါရန် တစ်ကမ္ဘာလုံးမှ မိတ်ဆွေများကို သတင်းကောင်းပါးရင်း ကြိုဆိုနေပါကြောင်း ။

နယ်ပွဲများပါ ဖျော်ဖြေနေတဲ့ မြို့မတူရိယာအသင်း

မြို့မအပျော်တမ်းတူရိယာအသင်းကြီးဟာ မန္တလေးမြို့ပေါ်တွင် မင်္ဂလာ ဧည့်ခံပွဲများ အလှူတော်မင်္ဂလာပွဲများ အဖွဲ့အစည်းအသီးသီးရဲ့ဖွင့်ပွဲ
အခမ်းအနားများ ဈေးပွဲတော်များ နိုင်ငံတော်အခန်းအနားများ အလှူအောင်ပွဲ မင်္ဂလာအောင်ပွဲများ စ,တဲ့စ,တဲ့ပွဲအတော်များများကို လက်ခံဖျော်ဖြေပေးနေတာကို အများပြည်သူများအသိဖြစ်ပါတယ် ။ ပွဲငှါးသူများရဲ့ စေတနာကိုတုံ့ပြန်လေးစားသောအားဖြင့် မခိုမကပ် မရပ်မနား အကောင်းတကာ့ အကောင်းဆုံးဖြစ်အောင်လည်း စီစဉ်
ပေးတဲ့အတွက် ယခုနှစ်တွင် ယခင်နှစ်များထက် ပွဲချီများတိုးတက်
များပြားလာတာကို တွေ့ရပါတယ် ။ အဆိုတော်များ တီးမှုတ်သူများ
ကိုလည်းတိုးချဲ့ ဖွဲ့စည်းထားရုံမက အသံပိုင်းဆိုင်ရာ စက်ပစ္စည်း
အသစ်များကိုလည်း ထပ်မံဝယ်ယူဖြည့်တင်းထားသဖြင့် ပရိသတ်များ
နားသောတဆင်ရာတွင်လည်း ကျေနပ်မှုများ ထူးကဲစွာရရှိပါတယ် ။
ဒါကြောင့်မို့ ပရိသတ်များရဲ့အားပေးမှုကို အထူးရရှိကာ မန္တလေးမြို့
ပေါ်ပွဲများအပြင် ရန်ကုန်မြို့ မြင်းခြံ မုံရွာ ရွှေဘို စစ်ကိုင်း မကွေး
ပေါင်းတည် ချောက် ဆိပ်ဖြူ စလေ ရေနံချောင်း မုဒုံ လားရှိူး ရေဦး
ခင်ဦး မြောင် ကျောက်ပန်းတောင်း မြစ်ငယ် ကျောက်ဆည် မိတ္ထီလာ
စတဲ့မြို့များကိုပါ သွားရောက်ဖျော်ဖြေပေးနေရကြောင်း ။ (ပုံတွင်) မြို့မ
အပျော်တမ်းတူရိယာအသင်းကြီး နဲ့အတူ အဆိုတော် သန်းမြတ်စိုး
စိုးစန္ဒာထွန်း တို့က ရေနံချောင်းမြို့ ဦးမင်းမင်းမောင် ဒေါ်စိန်ဝါ၀ါဦး
တို့ရဲ့ အလှူတော်မင်္ဂလာတွင် ဖျော်ဖြေနေကြစဉ် ။